Vandat ons twee blondies se kuiertjies in Ermelo so seldsaam geword het, het ek \u2018n ongeskrewe re\u00ebl om so min as moontlik tyd voor my rekenaar deur te bring tydens daardie uitsonderlike naweke wanneer hulle wel bietjie kan huis toe kom.\u00a0 Daarom het ek verlede naweek van my weeklikse ritueel afgewyk en nie \u2018n Blog geskryf nie \u2013 (mmm, ek weet, jy\u2019t dit nie eens agtergekom nie), maar in elk geval, Eswee en Mia het kom kuier!\u00a0 Soos altyd was ons kuiertjie kort, maar so spesiaal.\u00a0 En nee, Eswee het nie sy mooie Nicole vir Mia verruil nie \u2013 Mia is Eswee se liewe Duitse Herdershond, en sy is al vir \u2018n volle week onder ons sorg terwyl Eswee in die Kaap is\u2026<\/p>\n
Wie sou nou kon dink dat Mia en ons bejaarde Jack Russell, Bailey, hierdie week die inspirasie vir my Blog sou wees?!<\/strong><\/p>\n Dit het als begin by verlede Saterdagmiddag se luilekker kuier in die welkome lentesonnetjie, daar op die trappe om die swembad, en Mia en Bailey se eindelose wedywering om eerste die tennisbal te vang. Balgooi vir Bailey was nog altyd \u2018n ononderhandelbare ritueel in die Bothma huishouding.\u00a0 Wanneer Mia, wat ewe balbedinges is, bykom, raak dinge ingewikkeld. \u00a0Nodeloos om te s\u00ea dat Bailey gewoonlik die afspit delf, en na eindelose probeerslae, gefrustreerd en moedeloos kop onderstebo in die braaiplek gaan l\u00ea\u2026 \u00a0\u00a0<\/p>\n Maar toe, Saterdag, sommer net so, verander die verwoede baljaag wedywering in \u2018n speletjie waaraan ons ons verwonder\u2026Mia jaag die bal, Bailey hardloop gedwe\u00eb agterna, Mia kom plons op die gras neer met die bal tussen haar voorpote, en laat Bailey toe om dit op te raap.\u00a0 Bailey bring die bal vir Eswee, Eswee gooi, en altwee hardloop.\u00a0 En skielik is daar vrede, met di\u00e9 \u201critueeltjie\u201d van vang en bring en loslaat en wag, wat homself oor en oor herhaal.\u00a0 Dis toe dat my gedagtes die loop neem oor rituele\u2026<\/p>\n Kyk, \u2018n mens kry miljoene soorte rituele \u2013 van Godsdienstige en kulturle rituele, tot die uitgerekte rituele in die Engelse koningsfamilie verlede week, voor die ontslape koningin uiteindelik m\u00f4re ter ruste gel\u00ea word.\u00a0 Daar is sportsterre se spesifieke rituele wanneer hul meeding, en lawwe rituele, soos di\u00e9 van sekere stamme in China, waar die mans so ewe hul vroue oor brandende kole moet dra.\u00a0 Dit voorkom blykbaar natuurrampe en help die vroue om pynlose arbeid te verrig!\u00a0 Gmpf!\u00a0 Bid jou aan!<\/p>\n \u2026Vandag verwys ek meer na elkeen van ons se eie ou ritueeltjies waarmee ons die dag begin, deurgaan, en eindig.\u00a0 Daar\u2019s rituele wat elkeen van ons al vir jare doen, toe o\u00eb, sonder om te dink, soos tandeborsel en grimeer.\u00a0 Maar mens is nooit te oud om te leer nie, ook nie om jou brein se paadjies te herprogrammeer nie, en sommer met albei hierdie alledaagse rituele, het ek onlangs iets geleer wat ek nooit geweet het nie.\u00a0 Twee weke gelede s\u00ea my tandarts (skuus dis bietjie grillerig) dat mens nooit daai laaste tandeborselskuim in jou mond met water moet uitspoel nie \u2013 oeps, nie geweet nie!\u00a0 En drie weke gelede, tydens Lizelle se \u201cMUD\u201d-grimeerdag, leer ek vir die eerste keer dat jy jou onderlaag eintlik laaste moet aanwend.\u00a0 Oeps! \u00a0<\/p>\n In haar boek \u201cThe Elegance of the Hedgehog\u201d skryf Muriel Barbery: \u201cA simple ritual takes its place at the heart of our ability to see greatness in small things.\u00a0 And in this there\u2019s beauty to be found \u2013 in small things that aspire to nothing, yet know how to set a jewel of infinity in a single moment\u2026\u201d<\/p>\n<\/blockquote>\n Soos kosmaak vir baie mense \u2018n ritueel is, so is oefen vir my – dis soos asemhaal, \u2018n suurstof waarsonder ek nie kan leef nie.\u00a0 Dis wat my op \u2018n ho\u00ebr frekwensie plaas, dis waar ek my stem kry, my plek vind, en my hart uitstort.\u00a0 Aah, en die musiek, o die liewe, mooie musiek!\u00a0 Dalk is dit waarna Joseph Campbell verwys wanneer hy s\u00ea: <\/strong><\/p>\n “Your sacred space is where you can find yourself again and again.”<\/strong><\/p>\n<\/blockquote>\n Elke mens se rituele is uniek en spreek tot sy of haar eie verstaan en belewenisse\u2026Of dit nou \u2018n jaarlikse kers aansteek is as \u2018n huwelikherdenking, \u2018n tattoo wat twee mense se liefde vir mekaar verklaar, \u2018n weeklikse kaal swem onder die sterre om die lewe te vier, of \u2018n Alkoholiste Anoniem medalje wat \u2018n jaar se soberheid herdenk\u2026elkeen het sy plek.\u00a0 Selfs daardie eerste koppie koppie koffie in die oggend is \u2018n ritueel.<\/p>\n Rituele is onlosmaaklik deel van ons, en veral in elke gesin \u2013 onmisbaar.\u00a0 Ek stem een honderd persent saam met die bekende psigiater, dr Eugene Ahlers.\u00a0 Hy s\u00ea: \u201cRituele bou eenvoudige herinneringe, dit maak \u2018n huis \u2018n tuiste, en \u2018n gesin \u2018n hawe.\u201d<\/p>\n<\/blockquote>\n Ek onthou daardie gereedmaak vir slaaptyd toe Eswee en Marin\u00e9 klein was, met stories en badtyd en nags\u00ea en Kinderbybel en rug kielie, en die saam eet om die tafel, van vroeg af, elkeen met \u2018n vaste sitplek.\u00a0 Nou nog. \u00a0En ek weet dit is waarheen die kinders terugkom wanneer hul huistoe verlang, na elkeen van hierdie bakens van stabiliteit waaraan hul toe vasgehou het, sonder dat hul eers daarvan bewus was.<\/strong><\/p>\n In sy boek \u201cThe Death and Life of Charlie St Cloud\u201d skryf Ben Sherwood oor die karakter, Tess Carroll: \u201cThese were her rituals, the routines that made her feel alive and connected.\u00a0 Without them, where would she be?\u00a0 Lost\u2026\u201d<\/p>\n<\/blockquote>\n Dit is vandag dag 7 van Mia se kuier in Petstraat.\u00a0 Ek kan sien sy verlang na Eswee, maar die balritueel duur voort en daar\u2019s vrede op ons werf.\u00a0 Bailey weet dalk dis net \u2018n kwessie van tyd voor hy weer alleenreg op die tennisbal het.\u00a0 Dis net Chloe wat haar lyfie skaars hou en die dae aftel voor sy weer sorgvry op die warm stene kan gaan rol, sonder om te vrees vir een van haar nege lewens.<\/p>\n \u2026Het jy al ooit gedink oor jou ritueeltjies, hul bietjie in hero\u00ebnskou geneem, afgestof, en van voor af waardeer?\u00a0 Moenie jou rituele van leef, doen en stilword gering ag nie, want elkeen van hul is meer-as-bloot-gewoontes van jou alledaagse bestaan!<\/strong><\/p>\n Soos die Belgiese kunstenaar, Erik Pevernagie, skryf: \u201cLet us not neglect rituals. They can be the watchdogs for the survival of our mental health, warning us when a well-oiled functioning of our life story is about to disrupt. Rituals can be safeguards hindering us from stumbling into the abyss of nothingness. Rituals can be anchor points providing guidance on our potholed path for the future.\u201d<\/p>\n<\/blockquote>\n Mirna <\/strong><\/p>\n 082 779 0507<\/p>\n PS: Maandag begin ons Summer Challenge \u2013 daardie langverwagte, opwindende 9-week lange ritueel van hard oefen, mooi eet en klasse tel!\u00a0 En volgende naweek is Marin\u00e9 se kombuistee en Nicole se 21ste verjaarsdagpartytjie in Pretoria.\u00a0 Dan skryf ek verseker nie \u2018n Blog nie!<\/em><\/p>\n","protected":false},"excerpt":{"rendered":" Elke mens se rituele is uniek en spreek tot sy of haar eie verstaan en belewenisse\u2026<\/p>\n","protected":false},"author":5,"featured_media":2372,"comment_status":"open","ping_status":"open","sticky":false,"template":"","format":"standard","meta":{"_acf_changed":false,"_jetpack_memberships_contains_paid_content":false,"footnotes":""},"categories":[6],"tags":[241],"class_list":["post-2369","post","type-post","status-publish","format-standard","has-post-thumbnail","hentry","category-manoeuvres","tag-ritual"],"acf":[],"yoast_head":"\n\n
\n
\n
\n
\n